Në Gjakovë po vazhdon procesi i numërimit të votave për kuvendet komunale, ndërsa rezultatet e deritanishme, që përfshijnë rreth 40% të kutive të votimit, tregojnë një epërsi të qartë për Sasa Hodën në listën e Lidhjes Demokratike të Kosovës.
Ajo renditet aktualisht si femra më e votuar e LDK-së në Gjakovë, duke konfirmuar për të tretën herë radhazi besimin që qytetarët i kanë dhënë.
E njohur për aktivitetin e saj publik dhe praninë e fuqishme në rrjete sociale, Hoda ka arritur të kombinojë ndikimin si influencuese me angazhimin e saj institucional, duke qëndruar pranë komunitetit dhe duke adresuar çështje konkrete që prekin qytetarët.
Pas dy mandateve të suksesshme, ajo pritet ta rikthejë mandatin për herë të tretë, duke vazhduar punën e saj në Asamblenë Komunale të Gjakovës. Mbështetja e qëndrueshme që po merr në çdo cikël zgjedhor e pozicionon Sasa Hodën si një nga figurat më të dalluara femërore të politikës lokale në Gjakovë./Prive By Liberta Spahiu
