Projekti i shumëpërfolur i këngëtarit Yll Limani në bashkëpunim me yllin shqiptar me famë botërore, Rita Ora, me titull “All Natural”, ka bërë bujë që në orët e para të publikimit në platformën Spotify.
Por ajo që ka marrë vëmendjen dhe ka shkaktuar të qeshura është një detaj i ëmbël dhe i papritur nga një person shumë i dashur i këngëtarit.
Yll Limani ndau së fundmi në InstaStory-n e tij një mesazh shumë të veçantë nga nëna e tij. Ajo me humor dhe sinqeritet ka treguar “problemin” e saj rreth këngës së re, duke shkruar:
“Kuku unë s’kom spotify”
Ky reagim i ngrohtë dhe aq i lehtë vjen si pasojë e faktit që kënga “All Natural” për momentin është publikuar vetëm në platformat digjitale, si Spotify. Videoklipi në YouTube pritet të shfaqet sot në orën 18:00.
Ky detaj i vogël, por shumë i lezetshëm, duket se njesoj si fansat, edhe nënës së Yllit nuk i pritet për të dalë kënga.
/Prive By Liberta Spahiu
