Kim Kardashian është bërë më e sinqertë se kurrë për jetën e saj sentimentale, gati pesë vjet pas ndarjes nga ish-bashkëshorti Kanye “Ye” West, duke treguar se aktualisht ka hezitim për t’u dashuruar sërish.
“Sa më gjatë të jesh single, aq më rehat ndihesh,” tha ajo në një rrëfim gjatë episodit të 13 nëntorit të reality show-t të saj në Hulu.
“Rehatohesh aq shumë me vetminë, sa që mendimi për të ndarë shtratin ose serialet e tua me dikë tjetër bëhet gjithnjë e më pak tërheqës, sepse krijon ritmin tënd.”
View this post on Instagram
Gjatë një bisede me Sarah Paulson, Kim u përball me këtë realitet kur aktorja i tha se ka vënë re se 45-vjeçarja ka një nevojë të madhe për t’u “mbrojtur” nga bota e jashtme.
“Mendo vetëm sa herë përpiqesh t’i mbash gjërat të qeta e të sigurta përreth fëmijëve të tu,” i tha Sarah. Kim dhe Ye kanë katër fëmijë: North, 12 vjeç; Saint, 9; Chicago, 7; dhe Psalm, 5. “Unë thjesht dua më shumë për ty… që romanca e madhe e jetës sate të ketë mundësi të lulëzojë.”
Kim pranoi se, pas divorcit, ka krijuar një mburojë për veten, por shtoi se nuk ka ndonjë nxitje të fortë për të zhvendosur vëmendjen nga karriera dhe familja drejt romancës.
“Sarah mendon se kam ngritur një mur për t’u mbrojtur aq shumë sa që ndoshta nuk hapem dot ndaj dashurisë,” tha ajo. “Por është në rregull të tërhiqem pak dhe të fokusohem te gjërat që dua për jetën time.”
Megjithatë, kjo nuk do të thotë se themeluesja e SKIMS e ka mbyllur derën për takimet romantike. “Jam romantikja më e pashpresë,” pranoi ajo. “Kur të vijë personi i duhur, do të jem gati dhe çdo gjë do të shkojë mirë.” /Prive By Liberta Spahiu
