Këngëtarja Rita Ora, e cila ka ikur nga Kosova në fëmijëri bashkë me familjen e saj për të kërkuar strehim në Mbretërinë e Bashkuar, i tregoi “Evening Standard” se sa shumë e ka formuar rrugëtimi i prindërve të saj.
“Rritja si një fëmijë refugjate formësoi çdo gjë tek unë,” thotë ajo.
“Kur prindërit e mi ikën nga Kosova për t’i shpëtuar përndjekjes ndaj shqiptarëve, ata lanë pas gjithçka për sigurinë dhe një fillim të ri në Mbretërinë e Bashkuar. Ata duhej t’i ndërtonin jetët nga e para, nëna ime ishte psikiatre në Kosovë, por kur arritëm në Britani, ajo duhej të mësonte anglishten dhe të trajnohej sërish. Babai im punonte netëve, vetëm që ne të kishim një të ardhme. Guximi i tyre është themeli i gjithë jetës sime, dhe muzika u bë strehimi im.”
Sot Rita është një artiste e vlerësuar gjerësisht, por ajo që i ka mbetur më shumë në mendje është mënyra se si u trajtua në ditët e para, kur ishte më e brishtë.
“Njerëzit që na mirëpritën na bënë të ndiheshim të pranuar, pjesë e diçkaje më të madhe, dhe ajo mirësi më ka mbetur gjithmonë,” thotë ajo.
“Ajo më mësoi se ndjesia e përkatësisë nuk është diçka që thjesht ta japin, është dicka që e krijojmë së bashku, përmes dhembshurisë dhe hapjes ndaj njëri-tjetrit.” /Prive By Liberta Spahiu
