Edhe pse çdo marrëdhënie është ndryshe, psikologët dhe studimet afatgjata mbi çiftet zbulojnë se ka disa gabime të përbashkëta që shumë gra i bëjnë pa e kuptuar. Jo për shkak të dobësisë, por për shkak të mënyrës si gratë socializohen, si investojnë emocionalisht dhe si i shohin marrëdhëniet.
Nëse i kupton këto pesë pika, jo vetëm që mund të forcosh lidhjen, por edhe të ndryshosh mënyrën si e sheh dashurinë.
1. Të vendosin partnerin në qendër të gjithçkaje dhe harrojnë veten
Studimet tregojnë se gratë, më shpesh sesa meshkujt, priren të sakrifikojnë nevojat e tyre personale për të ruajtur qetësinë në marrëdhënie.
Sipas një studimi të Journal of Marriage and Family, gratë kanë tendencë të ulin pritshmëritë e tyre dhe të rrisin tolerancën ndaj sjelljeve që nuk i pëlqejnë – vetëm për të “mos prishur marrëdhënien”.
Problemi?
Kur e humb veten, edhe partneri fillon të humbasë respektin emocional. Lidhja bëhet e pabalancuar dhe gruaja ndihet e paplotësuar.
Zgjidhja: Jepi vetes kohë, hobi, miqësi dhe kufij emocionalë. Sa më e lumtur të jesh si individ, aq më e shëndetshme bëhet lidhja.
2. Të tolerojnë sjellje që në fillim duken të vogla, por më vonë bëhen problem i madh
Psikologjia i quan këto “red flags të heshtura”.
mungesa e komunikimit
vonesat e përsëritura
mungesa e përpjekjes
xhelozia e fshehur
nënçmimi i vogël “me shaka”
Sipas hulumtimeve të Gottman Institute, një nga qendrat më të njohura për studimin e lidhjeve, shenjat e vogla negative të pashprehura në fillim të marrëdhënies janë ato që më vonë shkatërrojnë martesat.
Shumë gra i shpërfillin me shpresën: “Do ndryshojë”.
Por faktet tregojnë të kundërtën: sjelljet që tolerohen, përforcohen.
3. Të supozojnë se partneri “duhet ta kuptojë vetë”
Shumica e grave e shprehin pakënaqësinë në mënyrë indirekte – përmes toneve, heshtjes apo të nënkuptuarave.
Ndërsa meshkujt, sipas studimeve të American Psychological Association, e kanë më të vështirë të deshifrojnë sinjale joverbale.
Rezultati?
Ajo mendon: “Nuk më kupton.”
Ai mendon: “Nuk e di çfarë po bëj gabim.”
Kjo dëmton komunikimin dhe sjell distancë emocionale.
Zgjidhja: Thuaje qartë. Pa akuza. Pa nënkuptime. Meshkujt reagojnë më mirë ndaj fjalëve të drejtpërdrejta sesa ndaj “mesazheve të koduara”.
4. Të japin shumë herët, shumë shpejt
Psikoterapistët e quajnë këtë fenomen: over-investing.
Shumë gra në fillim të lidhjes:
japin shumë dashuri
japin shumë vëmendje
japin shumë kohë
bëjnë sakrifica të pamerituara
vënë partnerin si prioritet edhe kur ai nuk e ka bërë këtë gjë
Studimi i Harvard University tregon se njerëzit që investojnë shumë herët rrezikojnë të bien në marrëdhënie të pabalancuara, ku partneri nuk ndihet i detyruar të japë të njëjtën masë mbrapsht.
Mbivendosja emocionale herët krijon marrëdhënie ku gruaja bëhet “kujdestarja”, ndërsa partneri “marrësi” – një dinamikë që rrallë funksionon afatgjatë.
5. Të ngatërrojnë tolerancën me durimin – dhe frikën e vetmisë me dashurinë
Ky është gabimi më i madh emocional që vërehet në studimet e çiftologjisë.
Shumë gra qëndrojnë në marrëdhënie jo të shëndetshme sepse:
kanë frikë të nisin nga e para
kanë frikë të mbeten vetëm
mendojnë se “nuk ka më dikë më të mirë”
idealizojnë partnerin
investojnë aq shumë sa u duket e pamundur të tërhiqen
Sipas University of Toronto, njerëzit që kanë frikë nga vetmia hyjnë ose qëndrojnë në lidhje më të dobëta dhe me më pak kënaqësi, duke krijuar një cikël vetëshkatërrues emocional.
Të jesh vetëm nuk është dështim. Të jesh në një marrëdhënie ku nuk je e lumtur, është.
Gratë gabojnë jo sepse janë të dobëta, por sepse janë të programuara të japin, të kujdesen dhe të ruajnë marrëdhëniet.
Por studimet janë të qarta:
Identifiko gabimet sot, për të mos i paguar nesër me zemrën tënde. /Prive By Liberta Spahiu
