Kryeqyteti i Sllovenisë, Lubjana, është përfshirë nga një atmosferë elektrizuese pak orë para ndeshjes vendimtare mes Sllovenisë dhe Kosovës, e vlefshme për kualifikimet e Kampionatit Botëror 2026.
Mijëra simpatizues të Kombëtares së Kosovës, shumica shqiptarë, kanë mbërritur në qytet, duke e transformuar zonën pranë stadiumit dhe rrugët kryesore në një festë të vërtetë kombëtare.
Siç shihet edhe në imazhet e shkrepura pak para fillimit të ndeshjes, tifozët valëvisin me krenari flamujt e Kosovës dhe flamujt Kuq e Zi të Shqipërisë, duke dëshmuar unitetin dhe pasionin e tyre. Atmosfera është karakterizuar nga këngët dhe thirrjet e fuqishme në mbështetje të “Dardanëve”, duke krijuar një ambient aq entuziast.
Interesimi ka qenë aq i madh saqë të gjitha biletat për stadiumin janë shitur plotësisht, duke premtuar një atmosferë “të zjarrtë” gjatë gjithë takimit.
@podujeva072 ♬ original sound – KOSOVA FLASH NEWS
Kjo ndeshje, e cila nis në orën 20:45, është vendimtare: Kosovës i mjafton një barazim për të siguruar fazën e Play-Off-it të Botërorit 2026. /Prive By Liberta Spahiu
