Këngëtarja e njohur dhe shumë e dashur për publikun, Teuta Selimi, ka bërë një rrëfim të rrallë e të sinqertë në rrjetet sociale.
Në një periudhë të përfolur si delikate në jetën e saj personale, pas lajmeve për ndarjen nga bashkëshorti, artistja ka ndarë një dedikim emocional për fansat e saj, duke pranuar hapur betejat e brendshme që ka kaluar.
Përmes një postimi në InstaStory, këngëtarja ka falënderuar publikun që e ka mbështetur pa kushte, duke zbuluar se kjo mbështetje ka qenë jetike për të në momentet më të vështira.
Ajo pranoi se ka kaluar një fazë dyshimi të thellë, ku besimi tek vetja ishte lëkundur.
“Më keni dhënë aq shumë dashuri e besim edhe në kohën kur as unë nuk kam besuar në veten time,” shkruan Teuta, duke konfirmuar kështu në mënyrë indirekte periudhën e vështirë.
Pjesa më prekëse e rrëfimit të saj lidhet me momentet e dëshpërimit dhe humbjes së motivimit, që duket se pasqyrojnë drejtpërdrejt krizën e saj personale.
“Jeta nganjëherë të dëshpëron aq shumë saqë gati humb arsyeja pse punon e mundohesh,” rrëfen këngëtarja.
Megjithatë, në këtë betejë, ajo e bën të qartë se pika e saj më e fortë e mbështetjes ka qenë publiku. Duke i cilësuar ata “Jeni shtylla ime”, Teuta tregon se pikërisht fansat janë ata që i kanë kujtuar vlerën e punës dhe sakrificës së saj.
“Por ju ma kujtoni gjithmonë se kjo nuk është punë, por nder e shpërblim,” përfundon dedikimi i saj emocionues.
Ky postim vjen si një dëshmi e lidhjes së fortë që artistja ka me audiencën e saj, e cila i ka qëndruar pranë në momentet kur ajo, sipas fjalëve të saj, “gati humbi arsyen”. /Prive By Liberta Spahiu
