Situata në shtëpinë e Big Brother VIP Kosova është rënduar ndjeshëm, ndërsa në qendër të “sulmeve” është vënë banorja më e re e shtëpisë, Elijona Binakaj.
Vajza 18-vjeçare, e cila hyri në shtëpi për të sfiduar veten, po përballet me situata që familja e saj i ka cilësuar si të patolerueshme. Pas ngjarjeve të fundit, ku Elijona është parë e bllokuar fizikisht dhe nën presionin e vazhdueshëm të Benitës dhe Albës, familja ka reaguar ashpër.
Përmes një deklarate urgjente, ata kërkojnë mbrojtje për vajzën e tyre, duke theksuar natyrën e rëndë të sjelljeve ndaj saj.
Intimidim ndaj një 18-vjeçareje
Në reagimin e tyre, familja thekson se nuk bëhet fjalë më për lojë, por për veprime që cënojnë mirëqenien e saj.
”Kemi ndjekur me shqetësim të madh disa situata, ku Eljona është vendosur nën presion psikologjik. Në veçanti, veprimet që përfshijnë intimidim, heshtje të detyruar ose veprime fizike penguese ndaj saj, janë të papranueshme për ne si familje,” thuhet në deklaratë.
Thirrje produksionit: “Reagoni menjëherë!”
Familja Binakaj kërkon që “Vëllai i Madh” të ndërhyjë urgjentisht për të ndaluar këto provokime që po kalojnë çdo kufi etik, sidomos duke marrë parasysh moshën e saj delikate.
”Elijona është aty për të konkurruar, jo për t’u përballur me forma presioni apo provokime që tejkalojnë kufijtë e lojës. Kërkojmë transparencë dhe reagim të menjëhershëm.”
Rrjeti tashmë ka shpërthyer në komente, duke dënuar sjelljen e banoreve të tjera ndaj 18-vjeçares. A do të merren masa sonte? Mbetet për t’u parë. /Prive By Liberta Spahiu
View this post on Instagram
