Aktori i dashur i humorit, Osman Azemi, vazhdon të jetë në Turqi ku po i nënshtrohet një procesi të gjatë dhe të kujdesshëm të trajtimit shëndetësor.
Azemi ndodhet në Stamboll pas një periudhe të vështirë rehabilitimi që pasoi një aksident të rëndë në trafik.
Gjatë ditës së sotme, aktori ka ndarë me publikun një moment emocionues nga spitali, ku ai është vizituar nga Konsullja e Përgjithshme e Kosovës në Stamboll, Suzan Novobërdaliu, e shoqëruar nga stafi tjetër.
Në postimin e shpërndarë, ku shihet i shtrirë në shtratin e spitalit, Osman Azemi falënderon delegacionin kosovar.
Vizita e nivelit të lartë shtetëror dëshmon kujdesin dhe mbështetjen e shtetit të Kosovës për figurat e saj publike gjatë momenteve të vështira shëndetësore.
Osman Azemi prej muajsh po trajtohet për pasojat e aksidentit të rëndë, duke kaluar një periudhë fillestare shtrimi në Qendrën Klinike Universitare të Kosovës (QKUK) dhe duke vazhduar më pas me tretmane të specializuara në Turqi. /Prive By Liberta Spahiu
