Besnik Qaka, këngëtari i njohur i grupit të dashur NRG Band, ka ndarë sot një moment shumë të veçantë nga jeta e tij familjare.
Nëpërmjet një fotoje të postuar në Instagram Story, Besniku ka uruar të birin, Jani, i cili feston ditëlindjen e tij të katërt. Në imazhin e ndarë, dyshja shfaqen së bashku në një moment të ngrohtë dhe plot dashuri, ndërsa urimi i Besnikut i ka prekur zemrat e ndjekësve.
“Urime ditëlindjen e 4-të, shpirti i babit! U bëfsh gjithmonë i lumtur, i shëndetshëm dhe i bekuar!” – ka shkruar ai krahas fotos, duke e shoqëruar me emoji dhe ngjyra festive.
Kjo ditë e veçantë duket se është festuar në rrethin e ngushtë familjar, ndërsa ndjekësit e artistit kanë reaguar me zemra dhe urime për vogëlushin Jani.
Kujtojmë se Besniku është baba i dy fëmijëve – përveç Janit, ai ka edhe një vajzë, Una, e cila është 6 vjeçe. Artisti është shpesh aktiv në rrjetet sociale për të ndarë momente të bukura nga jeta e tij si baba, dhe duket qartë se familja zë vendin më të rëndësishëm në zemrën e tij.
Pavarësisht sukseseve në muzikë, për Besnik Qakën, asgjë nuk krahasohet me lumturinë që sjell prindërimi.
Urojmë që çdo hap i jetës së Janit të shoqërohet me dashuri, gëzim dhe shëndet të plotë pranë familjes së tij të dashur!
/Prive By Liberta Spahiu
