Këngëtarja e njohur Fifi ka shpërthyer në një reagim emocional ndaj valës së sulmeve që ka marrë në rrjetet sociale kohët e fundit.
@prive.libertaspahiuDrama e re: Fifi shpërthen në lot, artistja në gjendje të rënduar emocionale: 'Kujt jam tu ja prishë balancat'
E ftuar në podcast-in e Dalina Buzit, artistja ka treguar se pas publikimit të këngës së saj për festivalin, komentet negative kanë kaluar çdo kufi njerëzor, duke shënjestruar djalin e saj të vogël.
Një sulm i paprecedent ndaj familjes
Fifi rrëfeu e tronditur se mallkimet ndaj djalit të saj nisën menjëherë pas prezantimit të projektit të ri muzikor.
“Prej ditës kur ka dalë kënga e festivalit, mua më kanë ardhur komente duke më mallkuar djalin,” u shpreh ajo, duke theksuar se ndërsa sulmet ndaj saj mund t’i tolerojë, prekja e fëmijës është e pafalshme. Artistja ngriti pyetjen se çfarë faji ka një fëmijë që nuk ka asnjë lidhje me karrierën e saj profesionale.
Dyshime për një sulm të organizuar
Ajo zbuloi shifra alarmante të komenteve të pranuara brenda një kohe shumë të shkurtër. Sipas Fifit, deri para dy javësh nuk kishte marrë asnjë koment negativ për djalin, por brenda një jave situata ndryshoi rrënjësisht. Ajo numëroi rreth 300 komente, ku mbi 200 prej tyre ishin mallkime direkte për djalin, gjë që e bën artisten të dyshojë se ky mund të jetë një sulm i organizuar kundër saj.
“Djalin mos ma prekin”
Fifi bëri një thirrje të prerë për të gjithë ndjekësit dhe kritikët. Ajo deklaroi se është e gatshme të përballet me çdo lloj kritike apo mallkimi që drejtohet personalisht ndaj saj, por kërkoi që familja dhe djali të lihen jashtë kësaj vorbulle urrejtjeje. “Mua le të më mallkojnë, por djalin mos ma prekin,” përfundoi ajo e prekur thellë nga kjo situatë. /Prive By Liberta Spahiu
View this post on Instagram
