Pas spekulimeve të ditëve të fundit që pushtuan rrjetet sociale dhe portalet, duket se marrëdhënia mes këngëtares Elhaida Dani dhe balerinit Ledian Agallijaj nuk ka përfunduar.
Gjithçka nisi kur ndjekësit vunë re se Elhaida nuk e ndiqte më partnerin e saj në Instagram, një lëvizje që zakonisht në botën e VIP-ave sinjalizon një krizë ose ndarje.
Megjithatë, pavarësisht “zhurmës” në rrjetet sociale, Elhaida dhe Lediani vazhdojnë të jenë në një marrëdhënie dhe mbështetja mes tyre mbetet e palëkundur.
Konfirmimi më i fortë erdhi gjatë natës së mbrëmshme të Festivalit të Këngës në RTSH. Ledian Agallijaj ka ndarë një postim që tregom se ai është pranë Elhaidës në çdo hap.
Kujtojmë se artistja mban këtë vit rolin e rëndësishëm të drejtoreshës artistike të festivalit, një post me përgjegjësi të madhe ku prania e njeriut të zemrës duket se ka qenë një mbështetje kyçe. /Prive By Liberta Spahiu
