Mbrëmjen e djeshme u mbajt nata e parë e koncertit madhështor të yllit të muzikës pop, Dafina Zeqiri. Megjithatë, vëmendjen e të pranishmëve nuk e rrëmbeu vetëm performanca e këngëtares, por prania e një të ftuari të veçantë në mesin e publikut.
Një pushim nga fushata intensive
Përkundër agjendës së ngjeshur dhe fushatës intensive që po zhvillohet nga një qytet në tjetrin, Kryeministri në detyrë i Kosovës, Albin Kurti, ka gjetur kohë për pak relax. Ai është parë në Pallatin e Rinisë i shoqëruar nga bashkëshortja e tij, Rita Knudsen, për të ndjekur nga afër performancën e njërës prej artisteve më të pëlqyera në vend.
Vëmendja e publikut dhe atmosfera
Hyrja e Kryeministrit në sallë, e cila ndodhi pasi koncerti kishte filluar, shkaktoi një reagim të menjëhershëm te të pranishmit. Shumë prej tyre i kthyen vëmendjen dhe telefonat nga lideri i Vetëvendosjes, duke filmuar momente të tij në shoqërinë e bashkëshortes, momente këto që u shpërndanë me shpejtësi në rrjetet sociale.
View this post on Instagram
Për të gjithë ata që nuk mundën të ishin pjesë e natës së parë, magjia e Dafina Zeqirit vazhdon.
Këngëtarja do të mbajë edhe natën e dytë të koncertit të saj sonte, në të njëjtin lokacion, në Pallatin e Rinisë, ku pritet një tjetër atmosferë elektrizuese. /Prive By Liberta Spahiu
