Që Tayna është gjithmonë një hap para të tjerëve në industrinë muzikore, kjo dihej tashmë, por provat e fundit tregojnë se ndikimi i saj ka kaluar kufijtë ballkanikë, duke u kthyer në frymëzim edhe për emra që po bëjnë bujë në Shtetet e Bashkuara të Amerikës.
Së fundmi, reperja virale nga New York-u, Scar Lip – e cila gëzon mbështetjen e yjeve botërorë si Cardi B e Snoop Dogg – ka publikuar një video freestyle që ka tërhequr vëmendjen e fansave për ngjashmërinë e frikshme me një prej projekteve të Taynës.
Flow i amerikanes përbën një kopje e projekteve që artistja jonë i ka sjellë vite më parë në projektin ‘Bye bye’.
Kjo situatë vërteton atë që kritika dhe publiku e thonë prej kohësh: Tayna është një shkollë më vete.
Fakti që një artiste e re amerikane, e cila ndiqet nga miliona njerëz dhe elita e hip-hopit botëror, shfaqet me nuanca të forta të stilit që Tayna e ka ezauruar kohë më parë, është treguesi më i qartë i vizionit të saj artistik.
Ndërkohë që tregu vendas përpiqet ende ta arrijë, Tayna konfirmohet si një artiste me standard ndërkombëtar që nuk ndjek trendet, por i krijon ato.
Kur artistët e huaj fillojnë të inspirohen nga ty, atëherë e di që je ulur në fronin e duhur. Artistja vazhdon të mbetet e paprekshme dhe, siç duket, bota ka filluar të mbajë shënime nga ajo. /Prive By Liberta Spahiu
