Një aksion i rëndësishëm policor ka tronditur botën e showbiz-it në Turqi gjatë orëve të fundit. Sipas mediave vendase, operacioni i shtrirë në disa pika kyçe të Stambollit ka çuar në shoqërimin e shtatë personave, mes të cilëve figura mjaft popullore.
Aktori i njohur Can Yaman dhe aktorja Selen Gorguzel janë shoqëruar nga autoritetet pas kontrolleve të befasishme që u ushtruan në 9 klube nate dhe në një hotel të njohur në zonën e Bebek-ut. Mësohet se personat e ndaluar do t’u nënshtrohen ekzaminimeve mjekësore pranë Institutit të Mjekësisë Ligjore.
Zgjerimi i hetimeve Ky aksion vjen si vazhdimësi e një hetimi të nisur më 5 janar, i cili deri më tani ka çuar në arrestimin e 19 personave.
View this post on Instagram
Hetimet e Prokurorisë po kryhen mbi dyshimet për:
Përdorim dhe nxitje të përdorimit të substancave të ndaluara.
Lehtësim të aktiviteteve të paligjshme në ambiente publike.
Gjatë kontrolleve në ambientet e njohura si “Bebek Hotel” dhe klubin “Klein Phonix”, forcat e sigurisë kanë sekuestruar prova të ndryshme që po shqyrtohen nga grupi hetimor. Përveç aktorëve, në mesin e të ndaluarve raportohet se ka edhe menaxherë e pronarë të këtyre bizneseve.
Situata mbetet në zhvillim e sipër ndërsa pritet vendimi i prokurorisë për hapat e mëtejshëm ndaj personave të shoqëruar. /Prive By Liberta Spahiu
