Prej kohësh, rrjeti ka vluar nga aludimet për një krizë të mundshme apo madje edhe ndarje mes një prej çifteve më të dashur për publikun, Sarah Berishës dhe Dj PM.
Shkak për këto dyshime u bë mungesa e urimeve publike në ditëlindjet e respektive të njëri-tjetrit, një gjest ky që në botën e rrjeteve sociale interpretohet shpesh si “fundi” i një romance.
Megjithatë, një postim i fundit nga vetë Sara në llogarinë e saj në Instagram, nuk ka lënë vend për dyshime.
Ndonëse ndjekësit besnikë kishin vënë re se dyshja vazhdon të ndiqet dhe se pëlqimet (likes) në fotot e njëri-tjetrit nuk kanë munguar, lëvizja e fundit e blogeres i ka vendosur “pikën” thashethemeve.
Në fotot e fundit të publikuara, ajo që ka tërhequr vëmendjen e të gjithëve nuk është vetëm stili i Sarës, por muzika në sfond.
Sara ka zgjedhur pikërisht bashkëpunimin e fundit të Dj PM dhe Dj Dagz, këngën me titull mjaft domethënës “Je ma e mira”.
Ky detaj nuk ka pasur se si t’u shpëtojë syve të mprehtë të fansave, të cilët e kanë lexuar këtë si një konfirmim të pastër se marrëdhënia e tyre është e shëndoshë dhe se zërat për ndarje janë thjesht të pavërteta.
Duket se çifti ka zgjedhur të jetë më i rezervuar në momente të caktuara, por mbështetja ndaj punës së njëri-tjetrit mbetet maksimale.
Pas këtij postimi, fansat mund të marrin frymë lirisht: Sara dhe PM janë ende bashkë dhe më mirë se kurrë! /Prive By Liberta Spahiu
View this post on Instagram
