Alban Skënderaj po shënon një sukses të jashtëzakonshëm me koncertin e tij “Motiv”, i cili pas triumfit në qytete të ndryshme, do të ndalet në Porsche Arena të Stuttgart-it më 16 dhe 17 maj 2026.
Interesi i publikut për të ndjekur live artistin shqiptar është i përmasave rekord, pasi brenda vetëm dy orëve nga hapja e shitjeve, janë shitur 50% e biletave për natën e dytë të koncertit.
I emocionuar nga kjo pritje, vetë Albani ka reaguar në rrjetet sociale duke u shprehur se ka mbetur pa fjalë nga mbështetja fantastike e ndjekësve të tij.
Ky sukses në Gjermani vjen si vazhdimësi e rrugëtimit të suksesshëm të këtij koncerti, i cili më parë u mbajt në Milano dhe korri një rekord të vërtetë në Prishtinë gjatë muajit dhjetor.
Në kryeqytetin e Kosovës, koncerti “Motiv” u mbajt për katër netë radhazi, konkretisht më 4, 5, 6 dhe 7 dhjetor, duke dëshmuar se muzika e Alban Skënderajt mbetet një nga më të dashurat për mbarë publikun shqiptar kudo ku ai ndodhet. /Prive By Liberta Spahiu
