Ethet e Big Brother VIP Kosova duket se kanë kaluar oqeanin dhe kanë prekur edhe shqiptarët më të suksesshëm në industrinë e bukurisë në Amerikë.
Mario Dedivanovic, grimieri i famshëm i yjeve botërore si Kim Kardashian, dhe influencerja e njohur me origjinë shqiptare Foinika Kay (Exteriorglam), kanë bashkuar forcat për një video që po bën xhiron e rrjetit në orët e fundit.
Dyshja, të cilët njihen për miqësinë e tyre të ngushtë dhe bashkëpunimet e shpeshta, kanë vendosur të rikrijojnë një nga momentet më virale dhe komike të këtij edicioni—bisedën “hetuese” mes Elijonës dhe Arditit.
Foinika ka marrë rolin e Elijonës, duke pyetur me këmbëngulje për statusin civil, ndërsa Mario, me një qetësi karakteristike, i është përgjigjur pyetjes së famshme “A je në kërkim?”.
Ky moment tregon se pavarësisht angazhimeve me brende globale dhe jetës luksoze në New York, ata gjejnë kohë për të ndjekur dinamikat virale në Kosovë. Interpretimi i tyre i situatës ka shkaktuar shumë të qeshura tek ndjekësit, duke konfirmuar me humor se pyetjet direkte për martesën mbeten një “sport kombëtar” për shqiptarët, kudo që ndodhen.
Videoja është shpërndarë menjëherë nga fansat, të cilët e kanë cilësuar si imitimin më të gjetur deri më tani të kësaj situate. /Prive By Liberta Spahiu
@exteriorglam Albanians be like…🇦🇱🇽🇰 #BigBrotherVIPKosova #bbvk4 @Makeup By Mario ♬ original sound – Kosovë- shqiperi 🇦🇱
