Në botën e rrjeteve sociale, ku shpesh ekspozohet vetëm shkëlqimi, historia e çiftit të njohur Blero dhe Blerta vjen si një dëshmi rrëqethëse e forcës, qëndrueshmërisë dhe dashurisë së vërtetë.
Prej vitesh, Blerta po përballet me një sfidë shëndetësore që pak njerëz e njohin, por që i ka kushtuar asaj vite dhimbjeje dhe sakrifice.
Blerta është diagnostikuar me Craniocervical Instability (CCI), një sëmundje e rrallë dhe jashtëzakonisht e dhimbshme që prek lidhjen kritike mes kafkës dhe shtyllës kurrizore. Kjo gjendje shkakton një lëvizshmëri të tepërt që ushtron presion mbi trungun e trurit dhe palcën kurrizore, duke ndikuar drejtpërdrejt në funksionet jetësore si: Frymëmarrja dhe qarkullimi i gjakut, shikimi dhe stabiliteti i lëvizjeve dhe dhimbje kronike dhe komplikime neurologjike.
Për shkak të kësaj diagnoze, ajo i është nënshtruar ndërhyrjeve të panumërta kirurgjikale dhe procedurave mjekësore të vështira, duke kaluar periudha të gjata në spitale, larg jetës normale.
Pavarësisht rrugës së vështirë, bashkëshorti i saj, Blero, nuk është larguar për asnjë moment nga ana e saj. Në një reagim të fundit që ka përlotur ndjekësit, ai ka shprehur gjithë admirimin për forcën e gruas së tij:
“Ti mendon nganjëherë se e ke humbur bukurinë tënde. Por vragat e tua tregojnë atë që ke mbijetuar. Bukuria jote e vërtetë nuk u largua kurrë nga trupi yt… ajo rrezaton nga zemra jote,” shkruan Blero, duke theksuar se për të, ajo mbetet gruaja më e mrekullueshme që i jep dritë edhe ditëve më të errëta.
Historia e tyre është një thirrje për ndërgjegjësim mbi sëmundjet e rralla dhe rëndësinë e mbështetjes morale. Blero ka premtuar se do të jetë qetësia dhe kuptimi i saj në këtë rrugëtim të vështirë, duke shpresuar që pas gjithë këtij shpirti luftarak, Blertën ta presin ditë më të bukura dhe pa dhimbje. /Prive By Liberta Spahiu
View this post on Instagram
