Një aksident i rëndë trafiku i ndodhur të mërkurën në fshatin Kutllovc të Mitrovicës i ka marrë jetën të riut Dashnor Kërleshi.
Fatkeqësisht, ai nuk arriti t’u mbijetojë plagëve të marra, duke lënë pas dhimbje të thellë tek familjarët dhe shoqëria.
Lajmi i hidhur ka tronditur thellë edhe këngëtarin e njohur, Drilon Jahdauti, i cili ka humbur një mik të ngushtë. Përmes një postimi tejet prekës në llogarinë e tij në Instagram, këngëtari ka ndarë lajmin e trishtë me ndjekësit e tij, duke shprehur ngushëllimet më të sinqerta.
Këngëtari ka kujtuar kohën e kaluar me mikun e tij të ndjerë gjatë studimeve.
“E pabesueshme humbja jote shoku jonë Dashnor. Një shok nga fakulteti i Arteve që kemi kriju shumë kujtime së bashku,” – ka shkruar ai.
Këngëtari e ka përshkruar Dashnorin si një person plot jetë e pasion: “Një djalë me pozitivitet, me energji të mirë, me dashuri për muzikën. Na ke lënë shumë shpejt Dashnor.”
Në fund të dedikimit të tij, ai i ka shprehur ngushëllime familjes Kërleshi dhe gjithë rrethit shoqëror, duke u lutur për shpirtin e mikut të tij: “Ngushëllime familjes dhe gjithë shoqërisë së Dashnorit. Ishalla Zoti e ka dërgu në Xhenet.” /Prive By Liberta Spahiu
