Reperi i njohur, Fero, ka tërhequr vëmendjen e ndjekësve të tij me postimin e fundit në rrjetet sociale, ku bën të ditur se ka nisur një udhëtim drejt Emirateve të Bashkuara Arabe.
Përmes një fotografie të publikuar nga pista e aeroportit, ku shfaqet një avion i linjës së Dubait, ai shkruan:
“Unë eca për Dubai!”.
Megjithatë, ky destinacion mbart një domethënie të madhe, pasi në Dubai jeton vajza e tij e vogël, Nina. Siç dihet tashmë, e vogla është zhvendosur atje prej kohësh dhe jeton me nënën e saj, modelen e njohur Arbenita Ismajli.
Pas ndarjes së tyre të bujshme dhe përballjeve të vazhdueshme ligjore, situata mes ish-çiftit ka qenë e tensionuar. Për shkak të këtyre problemeve, Fero nuk ka mundur ta takojë vajzën e tij për më shumë se një vit, një detaj që e bën këtë udhëtim edhe më të komentuar.
Tashmë, me shkuarjen e Feros në Dubai, ai ndodhet gjeografikisht shumë pranë të bijës. A do të shërbejë ky udhëtim për një ribashkim të shumëpritur mes babait dhe vajzës, apo bëhet fjalë thjesht për një vizitë për çështje pune apo pushime personale?
Kjo mbetet për t’u parë në ditët në vijim, nëse reperi do të ndajë detaje të reja me ndjekësit. /Prive By Liberta Spahiu
