Ndërkohë që Elijona Binakaj ishte e izoluar brenda shtëpisë së Big Brother VIP Kosova duke luftuar për rrugëtimin e saj drejt finales, jashtë mureve rrjeti po ziente nga një video virale. Pamjet tregonin bukuroshen duke shijuar në maksimum prapaskenën e një koncerti të reperit të njohur Finem, duke bërë që publiku dhe fansat të ngrinin menjëherë dyshimet për një romancë të mundshme mes dyshes. Por tani që rrugëtimi i saj në reality show ka mbaruar, ish-finalistja ka vendosur t’i japë fund spekulimeve një herë e mirë dhe të tregojë se çfarë ka ndodhur realisht.
E ftuar së fundmi në emisionin “Weekend”, Elijona tregoi se lajmet për një lidhje të fshehtë thjesht e kanë bërë të qeshë pafund. Ajo e perifrazoi gjithë zhurmën mediatike si diçka absurde, duke theksuar se të qenit një figurë publike në rrjetet sociale shpesh bën që detajet më të vogla të marrin përmasa të ekzagjeruara. Ndonëse pohoi pa hezitim se e vlerëson Finemin si një super artist dhe se i pëlqen të dëgjojë muzikën e tij, Elijona sqaroi se mes tyre nuk ka pasur kurrë asgjë personale.
Për të mos lënë asnjë hapësirë për dyshime tek ndjekësit, ajo zbuloi në studion e “Weekend” prapaskenën e vërtetë të asaj videoje të famshme. Bukuroshja shpjegoi se në atë event ajo kishte angazhime strikte profesionale. Si promotere e eventit, ku veç Finemit dhe Solos performonin edhe yje të tjerë si Mozzik dhe Getinjo, ishte detyra e saj të qëndronte prapa skenës. “Normal edhe si promotere të bie të qëndrosh në prapaskenë dhe të bësh video për shkak që dalin videot më bukur. Por ndonjë lidhje, apo kontakt, nuk ka pasur kurrë,” u shpreh prerë ajo, duke shuar kështu çdo ëndërr të atyre që bënin tifo për këtë “çift” të showbiz-it. /Prive By Liberta Spahiu
