Ish-banori i Big Brother, Kevini, ka rënë pre e një grabitjeje në Kili ku i është vjedhur një zinxhir me vlerë 2 mijë euro.
Një udhëtim në Amerikën Jugore është kthyer në një situatë tepër të pakëndshme për të. Gjithçka ka ndodhur papritur në rrugë dhe është dokumentuar e gjitha nga një video live në TikTok nga Ariot Myrtaj, i cili kishte rastisur aty me Kevinin gjatë atij momenti. Sipas informacioneve tona, vlera e aksesorit të vjedhur kap shifrën e 2000 eurove.
Pavarësisht situatës, Kevini nuk ka qëndruar duarkryq dhe ka tentuar t’i ndjekë grabitësit për të marrë mbrapsht zinxhirin e tij.
Por gjërat nuk kanë shkuar siç pritej, pasi ai është përballur me një grup prej pesë ose gjashtë personash të armatosur me thika. Kjo e ka bërë të pamundur rikthimin e zinxhirit, duke e mbyllur këtë incident me kaq, por fatmirësisht pa lëndime fizike për ish-banorin. /Prive By Liberta Spahiu
