Zhvillime të reja dhe pozitive vijnë për këngëtarin Besart Kelmendi, apo i njohur artistikisht si Gjesti. Ai ka lënë ambientet e masës së sigurisë dhe tashmë është i lirë.
Lajmi për lirimin e tij është konfirmuar zyrtarisht për Nacionalen nga vetë avokati mbrojtës i artistit, z. Artan Qerkini, i cili ka ndjekur nga afër të gjithë procesin e tij ligjor.
Kujtojmë se pak ditë më parë, ndaj Gjestit ishte marrë një masë paraprake nga institucionet e drejtësisë.
Gjestit iu caktua nga Gjykata e Prishtinës një muaj paraburgim.
Sipas dyshimeve të ngritura, ai akuzohej për disa vepra penale, përfshirë “Kanosje”, “Asgjësim apo dëmtim të pasurisë” si dhe “Mbajtje në pronësi, kontroll ose posedim të paautorizuar të armëve”.
Megjithatë, pas rishikimit të situatës dhe procedurave të nevojshme, institucionet kanë vendosur ndryshimin e masës. Tashmë, artisti ka fituar lirinë për t’u mbrojtur në një procedurë të rregullt dhe për t’iu rikthyer përditshmërisë së tij. /Prive By Liberta Spahiu
