Enca Haxhia di gjithmonë se si të mbajë vëmendjen te vetja dhe këtë herë e ka bërë përmes një situate mjaft të guximshme dhe provokuese, të ndarë direkt nga dhoma e saj e gjumit.
Këngëtarja ka publikuar një imazh të pazakontë në llogarinë e saj në Instagram, duke treguar se e ka nisur fundjavën në një mënyrë që ka ngritur shumë pikëpyetje mes ndjekësve. Në foton e shkrepur nga shtrati, vëmendjen nuk e marrin detajet e zakonshme të relaksit, por një kafaz i madh hekuri në sfond. Brenda tij ndodhet qartësisht një mashkull, i zhveshur në pjesën e sipërme të trupit, i cili qëndron i mbyllur si të ishte një kafshë shtëpiake.
Për t’i dhënë edhe më shumë ngjyra kësaj skene të stisur, artistja ka vendosur të luajë deri në fund me këtë narrativë. Teksa ka uruar në mënyrë ironike për një fundjavë të mbarë, Enca ka bërë një kërkesë publike për fansat e saj. Ajo pyeti se ku mund të gjejë një qafore për “qen të mëdhenj”, duke kompletuar kështu këtë set provokimesh.
Me këtë veprim, ajo dëshmon sërish se e njeh mirë lojën e showbizz-it dhe di se si të tërheqë reagime të menjëhershme, duke përdorur skenarë bizarë dhe të papritur që e mbajnë emrin e saj gjatë në qendër të diskutimeve. /Prive By Liberta Spahiu
