Një video e vjetër po bën xhiron e rrjetit orët e fundit në TikTok, duke rikthyer vëmendjen te një detaj mjaft interesant.
Bëhet fjalë për banoren e këtij edicioni të BBVA Selin Bollati, e cila shfaqet duke kërcyer në natën finale të Big Brother VIP Albania 2. Në atë kohë, ajo ishte angazhuar thjesht si figurante në trupën e baletit, për të performuar gjatë një surprize të madhe të organizuar nga produksioni i spektaklit.
Por, koha fluturon dhe pa u mbushur ende tre vite nga ajo natë, gjërat kanë ndryshuar rrënjësisht. Sot, Selin nuk është më një vajzë që kërcen në prapavijë për të tjerët. Ajo është bërë vetë banore e shtëpisë më të famshme në Shqipëri, duke qenë një nga personazhet më të komentuar të edicionit të pestë.
Madje, falë lojës dhe dinamikave të saj, ajo shihet gjerësisht nga publiku si një prej pretendenteve kryesore për të rrëmbyer fitoren këtë vit.
Ky tranzicion, nga një figurante në sfond në një nga protagonistet absolute të reality show-t, tregon një rrugëtim vërtet mbresëlënës të Selin Bollatit.
Videoja që ka rishfaqur këtë moment po shpërndahet masivisht nga ndjekësit pikërisht për të theksuar këtë kapërcim të madh në karrierën e saj televizive brenda një kohe kaq të shkurtër.
/Prive By Liberta Spahiu
@dykrenatt Selin ne BBVA2🤩 | #dykrenat #bigbrothervipalbania #selinbollati ♬ original sound – 🇦🇱 
