Ylli i futbollit shqiptar, Granit Xhaka, ka zgjedhur një mënyrë tejet të ëmbël për të uruar bashkëshorten e tij, Leonitën, në ditën e saj të lindjes.
Përmes një postimi në Instagram Story, mesfushori i Bayer Leverkusen ka ndarë një foto romantike të çiftit, ku shihen mjaft të afërt dhe të buzëqeshur.
Krahas fotos, ai ka shkruar fjalët: “Gëzuar ditëlindjen, dashuria ime “.
Leonita, e cila është një mbështetje e palëkundur në karrierën e suksesshme të Granitit, mbush sot plot 34 vjeç.
Çifti, të cilët janë prindër të lumtur të tre vajzave, shquhen për harmoninë dhe përkushtimin e madh që kanë ndaj familjes së tyre.
Edhe pse Graniti njihet për natyrën e tij luftarake në fushën e blertë, ky dedikim tregon edhe një herë anën e tij romantike dhe përkushtimin që ka ndaj familjes.
Në këtë përvjetor, ne i bashkohemi urimit të futbollistit duke i dëshiruar Leonitës jetë të gjatë dhe lumturi pranë njerëzve të saj të zemrës.
/Prive By Liberta Spahiu
