Sot nuk është thjesht një ditë historike për rrugëtimin e Kosovës drejt Botërorit, por edhe një moment i veçantë festë për yllin e kombëtares sonë, Edon Zhegrova.
Në prag të përballjes jetike të “Play-Off”-it ndaj Turqisë, atmosfera në kampin dardan është më vibrante se kurrë, duke ndërthurur emocionet e fushës me ato të një përvjetori personal.
Federata e Futbollit e Kosovës ka zgjedhur një mënyrë tejet origjinale për të uruar sulmuesin, duke ndarë me fansat një prapaskenë emocionuese.
Përmes një postimi në faqen zyrtare, FFK zbuloi se festa e vërtetë është projektuar të ndodhë vetëm pas vërshëllimës finale, duke e lënë festimin kryesor si “desert” pas ndeshjes.
“Urime ditëlindjen, Edon Zhegrova! Plani ishte ta prisnim tortën në drekë… por e lamë për ‘desert’ pas ndeshjes. Sepse festa e vërtetë fillon atëherë! Po a paramendojmë se e dini cila ishte dëshira e Edonit kur i fryu qirinjtë? E thjeshtë, por e madhe: Kupa e Botës 2026!” – shkruhet në postimin e federatës.
Me këtë dëshirë që tashmë është kthyer në misionin e të gjithëve, sytë e një kombi të tërë janë sot te fusha e blertë.
Edoni duket gati që ditëlindjen e tij ta kthejë në një festë të madhe kombëtare, ku dhurata më e bukur nuk do të jetë torta, por fitorja në fushë. Sot, ëndrra e tij është dëshira e çdo tifozi dardan.
Urime ditëlindjen, kampion! Na dhuro emocionin që po presim të gjithë. /Prive By Liberta Spahiu
View this post on Instagram
