Një zarf i papritur ka mbërritur vetëm pak minuta më parë në shtëpinë e “Ferma VIP 3”, duke sjellë shqetësim mes banorëve.
Sipas njoftimit zyrtar të lexuar në fermë, banorja Malbora Gurra ndodhet aktualisht në spital.
“Pas ngjajres të ndodhur mbrëmjen e djeshme, ajo është shoqëruar menjëherë për të marrë ndihmën e nevojshme mjekësore”, shkruhej në zarf.
Ndonëse zarfi qetësoi banorët duke theksuar se gjendja e saj aktualisht është e mirë, u bë e qartë se Malbora vijon të mbetet nën kujdesin dhe monitorimin e mjekëve.
Ajo që e bën situatën edhe më të paqartë është vazhdimësia e saj në format. Stafi mjekësor ende nuk ka dhënë fjalën e fundit dhe nuk ka dalë në një përfundim nëse Malbora do të jetë e aftë fizikisht për t’u rikthyer në shtëpi dhe për të përballuar sfidat fizike që kërkon jeta në fermë.
Në këtë moment pasigurie, Agai ka vendosur t’i përfshijë vetë banorët në këtë situatë, duke u lënë një pyetje për të diskutuar:
“Nëse mjekët konstatojnë që Malbora për një kohë nuk do të jetë në gjendjen e duhur fizike, a mendoni që ajo duhet të rikthehet në garë?”
Tashmë mbetet për t’u parë se cili do të jetë vendimi i mjekëve në orët në vijim për fatin e Malbora Gurrës. /Prive By Liberta Spahiu
View this post on Instagram
