Këngëtarja e njohur Fatlume Popovci është rikthyer për publikun me një projekt të ri muzikor. Ajo ka publikuar së fundmi këngën e saj më të re të titulluar “Sa me larg”, një projekt që vjen me një ndjeshmëri të lartë emocionale dhe që pritet të prekë zemrat e dëgjuesve.
Tematika e kësaj kënge sillet rreth një historie dashurie që ka përfunduar. Përmes interpretimit të saj të ndjerë, Fatlumja i këndon një ndjenje, duke përcjellë dhimbjen, nostalgjinë dhe emocionet e një ndarjeje apo të distancës mes dy njerëzve që dikur kanë pasur diçka të veçantë.
Për të sjellë këtë projekt në jetë, këngëtarja ka bashkëpunuar me emra mjaft të njohur të tregut tonë muzikor.
Muzika është kompozuar nga Robert Berisha, ndërsa vargjet janë shkruar nga Arsim Bunjaku. Për orkestrimin e këngës është kujdesur Ardian Kastrati, duke krijuar një vijë melodike që i përshtatet në mënyrë të përkryer tematikës melankolike.
Projekti “Sa me larg” është publikuar tashmë në kanalin zyrtar të Fatlumes në YouTube. Edhe pse ka vetëm pak orë që ka bërë premierën e saj, kënga ka filluar menjëherë të mbledhë mijëra klikime nga ndjekësit e saj besnikë, duke dhënë sinjalet e para të një projekti mjaft të pëlqyer. /Prive By Liberta Spahiu
