Këngëtarja e njohur Xhensila Myrtezaj ka ndarë sot me ndjekësit e saj një moment plot emocion dhe krenari. Përmes një postimi në rrjetet sociale, ajo ka festuar një ditë të rëndësishme për vajzën e saj, Ajka, e cila ka pasur Festën e Abetares.
Xhensila u shpreh se duke parë Ajkën në këtë festë, u ndje “krenare si kurrë më parë”. Në dedikimin e saj të thellë, këngëtarja e quajti Ajkën “xixëllonja ime” dhe “pjesa më e bukur e shpirtit tim”, duke kujtuar me nostalgji kohën kur ajo ishte thjesht një fëmijë në krahë. “Me germen A nis Abetarja… e mua, me shkronjen A, më ka rilindur jeta,” shkroi ajo, duke theksuar rëndësinë e kësaj dite simbolike në rrugëtimin e vajzës së saj drejt edukimit.
Postimi i shoqëruar me një video-reel ku duket një moment i ëmbël i tyre, ku dora e vogël e Ajkës prek nënën e saj, tregon lidhjen e fortë mes tyre. Ky moment i ëmbël shënon një hap të rëndësishëm në udhëtimin e Ajkës, një udhëtim të cilin Xhensila e përshkroi me dashuri të thellë amtare, duke u premtuar se do të jetë gjithmonë krenaria e saj.
/Prive By Liberta Spahiu
View this post on Instagram
