Ylli i famshëm i Hollywood-it, Hayden Panettiere, ka folur publikisht për herë të parë mbi orientimin e saj seksual, duke u deklaruar si biseksuale. Në një intervistë ekskluzive për US Weekly, përpara publikimit të kujtimeve të saj me titull “This Is Me: A Reckoning”, aktorja 36-vjeçare tregoi se ky rrugëtim nuk ka qenë i lehtë për shkak të presionit të madh të famës që në moshë të vogël.
anettiere, e cila e nisi karrierën si fëmijë, shpjegoi se nuk u inkurajua kurrë nga rrethi i saj profesional për të qenë vetvetja. Ajo rrëfeu se gjatë viteve kur shumë gra po deklaroheshin si biseksuale, ajo kishte frikë se publiku do ta shihte këtë si një “trend” ose se po përpiqej të binte në sy. “Ishte gjithmonë frika se nuk do të dukesha perfekte dhe shqetësimi se çfarë do të mendonte ekipi im apo opinioni publik,” u shpreh ajo, duke shtuar se ndihet trishtuar që iu desh të priste deri në moshën 36-vjeçare për ta ndarë këtë pjesë me botën.
Aktorja tregoi se privatësia e saj ka qenë gjithmonë e kufizuar dhe se ajo ka dalë me gra që në moshë shumë të re, por mbajtja e këtij sekreti ishte e vështirë me paparacët që e ndiqnin kudo. Megjithatë, tani me publikimin e librit të saj këtë muaj, ajo thotë: “Ndihem rehat të them me besim se po, unë jam biseksuale. E thashë!”
Hayden Panettiere është një emër shumë i dashur për publikun, e njohur fillimisht nga telenovelat si “One Life to Live”, e më pas si yll i Disney-t në “Remember the Titans” dhe “Ice Princess”. Ajo arriti kulmin e suksesit me rolin e Claire Bennet në serialin “Heroes” dhe ka luajtur në filma të njohur si “Bring It On: All or Nothing” dhe ekskluzivitetin e tmerrit “Scream”, ku së fundmi u rikthye si Kirby Reed në “Scream VI”. /Prive By Liberta Spahiu
