Në historinë e njerëzimit, thuhet me shaka se asnjë burrë nuk ka fituar kurrë një argument me një grua.
Por, Johnny Depp sapo e ka thyer zyrtarisht këtë “mallkim”.
Aktori i famshëm i Hollywood-it mbetet mashkulli i parë në histori që ka arritur të dalë fitues në një përballje epike me një grua — por, siç thotë ironia e fatit, ai nuk e bëri dot i vetëm.
Për të fituar këtë “luftë” argumentesh dhe faktesh përballë ish-bashkëshortes së tij, Depp-it iu desh ndihma e një gruaje tjetër: avokates së tij tashmë legjendare, Camille Vasquez.
Ajo që nisi si një betejë ligjore në sytë e gjithë botës, u shndërrua në një fenomen social.
Ndërsa Johnny qëndronte i heshtur në sallën e gjyqit, ishte mprehtësia dhe logjika e hekurt e Vasquez ajo që çmontoi çdo pretendim, duke vërtetuar se për të fituar një argument me një grua, të duhet fuqia dhe inteligjenca e një gruaje tjetër në krah.
Sot, ky fakt po qarkullon si një “meme” globale, por pas shakasë fshihet një e vërtetë që publiku e ka përqafuar masivisht: drejtësia nuk ka gjini, por nganjëherë ka nevojë për një avokate brilante që të vendosë pikën mbi “i”.
Johnny Depp mori fitoren, Camille Vasquez mori famën botërore, ndërsa historia mori një kapitull të ri: Mashkulli që “fitoi”, por vetëm pasi i bindi të gjithë se mbështetja më e madhe e një burri, mbetet sërish një grua e fortë. /Prive By Liberta Spahiu
