Shumë njerëz i puthin bebet si shenjë dashurie dhe afërsie, pa e ditur se kjo mund të sjellë rreziqe serioze për shëndetin e tyre.
Sistemi imunitar i foshnjeve është ende i brishtë dhe viruset apo bakteret që për të rriturit mund të jenë të padëmshme, tek bebet mund të shkaktojnë probleme të mëdha shëndetësore.
Në një intervistë për Familja Jonë, Mamia Razije Musa na tregon arsyet pse puthja e bebeve paraqet rrezik në vete.
Sipas mamisë, fëmija deri në një vit nuk ka imunitet dhe as mbrojtje të fortë që të përballojë viruset dhe bakteriet të cilat mund të barten nga të rriturit.
Ajo jep shembullin se nëse një i rritur i cili ka meningit viral dhe puth foshnjën, madje edhe në duar, atehërë infeksioni është bartur menjëherë.
Për këtë arsye, mamia thekson se nuk guxoni t’i puthni foshnjet, por që mund ta shprehni dashurinë në mënyra të tjera. /Prive Bruto
