Reperi i njohur Kanye West ishte i pranishëm në këtë ngjarje i shoqëruar nga partnerja e tij, Bianca Censori, ku që të dy ndoqën spektaklin nga rreshtat e parë.
Ndonëse komediani dhe ish-i dashuri i Kim Kardashian, Pete Davidson u përpoq ta godiste rëndë Kanye West duke e quajtur publikisht “nazist gay”, Ye nuk e dha veten për asnjë moment.
Reperi qëndroi me një fytyrë të gurtë dhe totalisht indiferent, duke treguar një kontroll të lartë emocionale përballë mijëra njerëzve në “Kia Forum” të Los Anxhelosit.
Pamjet e siguruara nga mediat tregojnë se Kanye nuk u provokua as kur e gjithë salla po qeshte me shakanë drejtuar ndaj tij.
Përkundrazi, ai zgjodhi të tregonte një anë tjetër gjatë pjesës tjetër të mbrëmjes.
Ye u pa mjaft i qeshur dhe entuziast kur mbështeti miken e tij, aktoren Teyana Taylor, dhe shijoi maksimalisht prezantimin e Dwayne “The Rock” Johnson.
Ky qëndrim i Kanye-s po cilësohet si një fitore e heshtur e tij, duke dëshmuar se nuk është më aq i lehtë për t’u nxjerrë nga vetvetja, pavarësisht sulmeve të drejtpërdrejta nga “rivalët” e tij të vjetër. /Prive By Liberta Spahiu
