Modelja e famshme e “Victoria’s Secret”, Barbara Palvin, dhe aktori i njohur Dylan Sprouse, kanë ndarë me botën lajmin e mrekullueshëm: ata po presin fëmijën e tyre të parë.
Në njoftimin zyrtar, fansat u prekën nga një detaj mjaft i këndshëm: “Një Sprouse i ri po regjistrohet në hotelin Tipton”. Ky është një homazh për rolin ikonik të Dylan në serialin e fëmijërisë sonë, “The Suite Life of Zack & Cody”. Në foton e publikuar, Barbara duket rrezatuese e veshur me një fustan të kaltër, ndërsa barku i saj i rrumbullakosur tregon se pritja po i afrohet fundit.
Reagimet e fansave kanë qenë të shumta, ku shumë prej tyre kanë vënë në dukje ndryshimin e Dylan. Pas një incidenti të fundit ku çiftit iu tentua t’u thyhej shtëpia, ndjekësit vlerësuan instinktin mbrojtës të aktorit. “Nuk është çudi që ai u tregua aq i vendosur; ai po mbron familjen e tij,” shkruante një prej komentuesve, duke e cilësuar Dylanin si prototipin e bashkëshortit dhe babait të përkushtuar.
Çifti, i cili u martua në një ceremoni përrallore në Hungari gjatë vitit 2023, po përjeton momentet më të bukura të romancës së tyre. Ky fëmijë vjen si një bekim për dyshen që ka fituar zemrat e publikut me thjeshtësinë dhe kiminë e tyre të veçantë. Tani, e gjithë vëmendja është te ardhja në jetë e pjesëtarit më të ri të familjes Sprouse.
/Prive By Liberta Spahiu
View this post on Instagram
