Ylli botëror i muzikës, Beyoncé, ka shënuar një tjetër moment historik në karrierën e saj, duke u bërë artistja e parë që arrin 100 nominime në historinë e çmimeve prestigjioze Grammy.
Rekordi i jashtëzakonshëm u konfirmua më 16 nëntor, pas shpalljes së nominimeve për edicionin e 69-të të Grammy Awards, që do të mbahet në vitin 2027.
Këngëtarja siguroi nominimin e saj të 100-të falë këngës “Morning Dew (Donk)”, e cila është nominuar në kategorinë “Performanca më e mirë solo R&B”.
Ky sukses vjen pasi Beyoncé kishte arritur 99 nominime në vitin 2024, duke tejkaluar rekordin që më parë e ndante me bashkëshortin e saj, reperin Jay-Z.
Por rekordet e saj nuk përfundojnë këtu. Beyoncé është gjithashtu artistja më e shpërblyer në historinë e Grammy Awards, me plot 35 trofe të fituar gjatë karrierës së saj.

Me këtë arritje, ylli amerikan forcon edhe më shumë pozitën e saj si një nga emrat më të suksesshëm në historinë e industrisë muzikore. /Prive By LS


