Ish-banorja e “Big Brother VIP Kosova 4”, Alba Pollozhani, ka rikthyer sërish vëmendjen e publikut me një postim të fundit në llogarinë e saj në Instagram.
Pasi kishte shprehur dëshirën e madhe për t’u mbuluar gjatë një prej netëve Prime në shtëpinë e famshme, ajo nxiti një sërë reagimesh dhe pritshmërish te ndjekësit. Tani, me rastin e muajit të shenjtë dhe mbarimit të ditëve të agjërimit, ajo ka publikuar një kolazh fotosh ku shfaqet brenda një xhamie, e mbuluar me një fustan elegant ngjyrë kremi dhe shami.
Megjithatë, ndjekësve vigjilentë nuk u ka shpëtuar aspak detaji thelbësor i këtyre imazheve.
Në hapësirën e komenteve, shumë prej tyre kanë vënë në dukje menjëherë se pamjet nuk janë aspak reale, por një krijim i qartë i inteligjencës artificiale (AI) ose filtrave të avancuar. Ndjekësit kanë komentuar hapur se ky imazh nuk ngjason plotësisht me të, duke e theksuar përdorimin e teknologjisë për një urim të tillë, në vend të një paraqitjeje të vërtetë e natyrale nga ana e ish-banores.
Kujtojmë se pas daljes vullnetare nga shtëpia e BBVK4, Alba e adresoi publikisht çështjen e mbulesës dhe arsyen e shtyrjes së këtij vendimi që mori vëmendje të madhe. Përmes reagimeve, ajo theksoi se ishte konsultuar me hoxhallarë dhe njerëz të ditur të fesë, të cilët i kishin sugjeruar që procesi duhet të vijë gradualisht dhe “hap pas hapi”. Sipas saj, shamia është një përgjegjësi e madhe shpirtërore që kërkon kohën e vet dhe pjekuri të plotë të brendshme, prandaj vendosi të mos ngutet me veprime të nxituara.
Derisa ai vendim të bëhet realitet fizik, duket se rrugëtimi i saj i parë drejt mbulesës u realizua përmes formateve digjitale. /Prive By Liberta Spahiu
View this post on Instagram
