Lajmi për ndarjen e modeles shqiptare Angela Martini dhe bashkëshortit të saj, Dragos Savulescu, qarkulloi me bujë gjatë tetorit të vitit të shkuar.
Sipas dokumenteve ligjore të siguruara nga media prestigjioze amerikane TMZ, Martini kishte paraqitur zyrtarisht kërkesën për divorc në gjykatë, duke cituar si arsye “mosmarrëveshje të pakapërcyeshme”.
Në ato dokumente, modelja kishte shënuar datën 24 tetor si ditën zyrtare të ndarjes nga biznesmeni rumun, duke lënë të kuptohej se martesa e tyre kishte ardhur në fund. Ky lajm u përhap shpejt në mediat rozë, duke u parë si fundi i një prej marrëdhënieve më të diskutuara të viteve të fundit.
Mirëpo, postimi i saj i fundit në rrjetet sociale ka hedhur dritë mbi një situatë krejtësisht të ndryshme.
Angela ka ndarë një foto krah Dragos, ku dyshja shfaqen mjaft të afërt dhe në harmoni gjatë festimeve të fundvitit. Kjo pamje dëshmon se ajo ka lënë pas krahëve krizën dhe procedurat ligjore, duke zgjedhur bashkimin me bashkëshortin e saj.
Me mbishkrimin “Gëzuar vitin e Kalit të Zjarrit”, Angela duket se po paralajmëron një fillim të ri me plot energji, duke lënë të kuptohet se dashuria ka triumfuar mbi “mosmarrëveshjet” që dikur i dërguan deri në dyert e gjykatës. /Prive By Liberta Spahiu
