Showbizi shqiptar është tronditur gjatë ditës së djeshme nga një ngjarje e rëndë që përfshiu reperin e njohur Don Xhoni dhe producentin Shkumbin Nebihu (Bini Diez).
Për këtë Bini Diez theu heshtjen dhe dha versionin e tij të plotë për ngjarjen në emisionin Prive By Liberta Spahiu.
Duke folur Bini Diez shprehu tronditjen dhe indinjatën e tij të thellë për mënyrën se si u zhvillua ngjarja. Ai theksoi rëndësinë e kontekstit familjar gjatë sulmit, duke e bërë aktin edhe më të rëndë: “Jam shokuar. Kjo që ka ndodhë është më e keqja që kishte mund një shqiptar me bë. Nuk e kemi as traditë e as zakon, sidomos kur është dikush me familje”, u shpreh ai mes tjerash.
Bini Diez konfirmoi se në incident ishte i përfshirë vetë Don Xhoni dhe vëllai i tij, madje shprehet se në 25 vite karrierë është hera e parë që i ka ndodhur diçka e tillë.
Duke përshkruar momentet e para të sulmit, ai tha se gjithçka filloi kur vetura e tij u bllokua: “Ma kanë zënë rrugën me një kerr. Kanë tentu me i mëshu kerrit”, deklaroi Bini.
Bini shprehet se ngjarja dëshmoi se kjo punë “lidhet me një prej artistave që unë kam nën menaxhim”.
Përveç dëshmisë publike, Bini Diez ka denoncuar rastin në Policinë e Kosovës, duke kërkuar drejtësi për këtë akt.
“Kjo është e turpshme, karriera nuk mbahet me skandale me njerëz që nuk janë pjesë e skandalit,” përfundoi producenti.
Ndiqni deklaratën e tij të plotë më poshtë! /Prive By Liberta Spahiu
