Pasi e kërkoi një bisedë televizive me Grida Dumën, Cllevio më në fund u ul përballë saj, por jo pa “pasoja”.
Ndryshe nga imazhi i “gangos” që nuk pyet për asgjë në videot e tij në TikTok, Kleviol Ahmeti ka treguar një anë më të brishtë para këtij takimi. Gjatë një bisede live, ai ka rrëfyer se përballja me autoritetin e moderatores i kishte shkaktuar një stres të madh të brendshëm dhe pasiguri.
Tensioni dhe emocionet kanë qenë të theksuara, aq sa Cllevio e pranon hapur se ankthi i kësaj interviste ka ndikuar drejtpërdrejt në fizikun e tij. Duke iu drejtuar bashkëbiseduesit për të theksuar gjendjen e tij emocionale, ai i kërkon atij të konfirmojë rënien në peshë: “E di që jam dobësuar apo s’e di?”.
Reperi shtoi se u përpoq me çdo kusht të shpërqendrohej për të mos e menduar këtë moment, pasi frika se mos dilte keq ishte reale.
“Doja të hiqja mendjen, nuk doja ta mendoja sepse ishte një ankth. Po shkoja te një njeri i përgatitur me përgjegjësi. Çdokush do dëshironte mos të dilte keq. Nuk doja që të bllokohesha dhe të më mbyllej goja para Gridës, se unë jam shejtan,” theksoi ai me sinqeritet.
Pavarësisht këtij presioni që e bëri edhe të dobësohej pak ditë para xhirimeve, rezultati përfundimtar duket se e ka lënë të kënaqur. I pajisur me atë që e quan “xhaketë gangoje” për t’i dhënë pak kurajë vetes, Cllevio tregon se theu akullin dhe ia doli të bënte një bisedë për tema që nuk i ka prekur asnjëherë gjatë daljeve të tij në rrjetet sociale.
Kjo intervistë transmetohet të dielën. /Prive By Liberta Spahiu
@humor_shqip_albb#kozakbraci #aleksvisha #fireee 
