Këngëtarja shqiptare me famë botërore, Dua Lipa, është komentuar për paraqitjen e saj të fundit në New York, ku mori pjesë në mbrëmjen gala të Metropolitan Opera-s, krah bashkëshortit të saj, aktorit Callum Turner.
Për këtë event, artistja zgjodhi një fustan të zi nga koleksioni pranverë/verë 2027 i shtëpisë së modës Ferragamo. Veshja përfshinte detaje shkëlqyese, pjesë transparente, mëngë të veçanta dhe një të çarë të lartë, duke krijuar një pamje që binte në sy.
Megjithatë, zgjedhja e saj ka nxitur diskutime për përshtatshmërinë e një veshjeje të tillë në një mbrëmje opere. Disa reagime në rrjetet sociale u përqendruan te modeli i fustanit, ndërsa të tjerë e vlerësuan paraqitjen e këngëtares dhe guximin e saj në modë.
Paraqitja e Dua Lipës ka marrë vëmendje edhe nga mediat ndërkombëtare të modës, të cilat e kanë përshkruar fustanin si një kombinim të elegancës klasike me stilin modern dhe provokues.
Në fund, diskutimi rreth veshjes së saj rikthen edhe një herë pyetjen se ku qëndron kufiri mes stilit personal dhe kodit tradicional të veshjes në evente kulturore si opera. /Prive By LS
View this post on Instagram
