Pas një muaji shkëputjeje totale nga rrjetet sociale për shkak të humbjes tragjike të xhaxhait të saj në Gjakovë, ish-finalistja e Big Brother VIP Kosova 4, Elijona Binakaj, ka vendosur të kthehet më e fortë se kurrë.
Dje, ajo theu heshtjen duke ndarë një mesazh plot emocion me ndjekësit, ku shprehej se tani është më e qetë dhe gati për t’u rikthyer në aktivitetet e saj me qëllimin për të “shëruar zemrën”. Dhe duket se kurimi më i mirë për të është pikerisht deti, dielli dhe largimi nga zhurma e përditshmërisë së kryeqytetit.
View this post on Instagram
Menjëherë pas këtij lajmërimi, Elijona mori rrugë drejt Egjiptit për disa ditë relaksi të merituar. Bukuroshja e BBVK 4 është shfaqur në top formë, teksa shijon pushimet në bregdetin e nxehtë afrikan. Në pamjet e fundit ekskluzive, ajo shihet mbi një varkë, e veshur me një bikini të zi që i nxjerr në pah linjat e saj trupore mjaft të kuruara. Teksa rregullon rrobat e banjës dhe shijon ujin e kristaltë, duket qartë që Elijona po e shijon në maksimum këtë arratisje ekzotike dhe po rrezaton vetëbesim.
Ky vit ka qenë padyshim një slitë emocionesh për të, nga suksesi i madh ku u rendit e dyta në reality show-n e famshëm e fitoi 10 mijë euro, deri te sfidat e rënda familjare që e detyruan të bënte një hap pas nga jeta publike. Por tashmë, Elijona duket se po e mban premtimin e dhënë për ndjekësit: të ecë përpara pa u dorëzuar për asnjë moment.
Kjo fundjavë në Egjipt vërteton se ajo po merr kohën e duhur për veten, duke u rimbushur me energji pozitive dhe duke i treguar të gjithëve se jeta vazhdon, pavarësisht goditjeve. Ne mezi presim të shohim se çfarë ka rezervuar tjetër bukuroshja për të ardhmen. /Prive By Liberta Spahiu
