Edhe pse ishin konkurrentë në festivalin e RTSH-së, kjo nuk po e pengon Elvanën ta mbështesë Shqipërinë në Eurovizion.
Në një postim të saj në Instagram, Elvana ka publikuar një video nga provat e Shkodrës Elektronike, pasi sonte është një natë vendimtare për Shqipërinë, ku artistët shqiptarë do të ngjiten në skenën e madhe të Eurosong-ut dhe do të performojnë me numrin 12.
Elvana, në postimin e saj, thekson se kjo është mbrëmja e parë në rrugëtimin drejt finales dhe ka një lutje për të gjithë ata që jetojnë jashtë vendit të votojnë për Shkodrën Elektronike.
Ajo bën thirrje që të bashkohemi dhe t’u japim sa më shumë përkrahje. Prive by Liberta Spahiu
