Këngëtarja Fifi ishte ditën e sotme live në Instagram, ku hyri për të folur rreth pjesëmarrjes së saj në edicionin e 64-të të Festivalit të Këngës në RTSH.
Megjithatë, gjatë live-it ajo u shfaq në një gjendje të rënduar emocionale dhe shpërtheu në lot.
Fifi, konkurron këtë vit bashkë me Tiri Gjocin me këngën “Rri”, dhe projekti i tyre po shijon vëmendje të madhe dhe pëlqyeshmëri nga publiku.
Mirëpo, gjatë transmetimit direkt, ajo shpërtheu në lot, duke lënë të kuptohet se po përballet me presione të rënda dhe dyshon se ka një “orkestrim” ndaj saj në kuadër të festivalit.
Ajo theksoi se situata është agravuar kur në komente u përmend edhe djali i saj.
Mes lotësh dhe me zë të dridhur, Fifi bëri një apel të ndjerë:
“Çka ju ka ba djali jem, kujna jam t’ja prish balancën në festival?”
Kjo deklaratë e saj ka ngrit shumë pikëpyetje rreth konkurrencës në Festivalin e Këngës, i cili është njëkohësisht edhe gara kombëtare përfaqësuese në Eurovision. /Prive By Liberta Spahiu
