Pak ditë më parë, doli projekti i ri nga reperi Finem.
Gjithçka ishte tjetër nivël për sa i përket këngës “Escobar”. Por, një detaj që u komentua me të madhe ishte vendxhirimi.
Po, Finem ka shkuar në një nga zonat më të rrezikshme, Afganistan për realizimin e këtij projekti.
Në një botë ku shumica e artistëve kërkojnë luksin dhe sigurinë për një videoklip, një emër shqiptar e theu rregullin – FINEM.
I vetmi artist nga Shqipëria, dhe ndoshta i vetmi në botë, që ka shkelur në Kabul – Afghanistan – për të xhiruar një klip. As Hollyëood-i nuk ka shkuar atje. As reperët amerikanë s’kanë pasur guximin. Por Finem? Finemi nuk njeh rrezik.
Ai hyri në zemër të territorit të kontrolluar nga talibanët, i rrethuar nga tension, sy që vrojtonin çdo lëvizje, rrugë të mbyllura dhe heshtje që flet më shumë se fjalët.
I pyetur për eksperiencën, në një pronocnim për Prive By Liberta Spahiu ai u shpreh:
“E kam xhiruar këtë klip në Kabul, Afghanistan. Ishte ndoshta eksperienca më ekstreme që kam kaluar ndonjëherë. U futëm në zemër të territ, në vende ku shumica nuk guxojnë as të shkelin. Rreth nesh – talibanë. Ishim të rrethuar, çdo lëvizje matej, çdo fjalë kontrollohej. Na duhej të qëndronim të kthjellët, të qetë, por me sy gjithmonë në krahë, gati për gjithçka. Ishte rrezik real, jo thjesht për video.
Ne nuk njohim rrezik. Kemi lindur për të kapërcyer limite, për me i jetu gjërat që të tjerët veç i shikojnë në filma. Dhe këtë herë, nuk ishte film. Ishte realitet. Ky klip është dëshmi e guximit, e jetës jashtë zonës së rehatisë. E kam sjell këtë histori në ekran, për ta treguar me sy, jo me fjalë. Të jetosh si artist, do të thotë të rrezikosh si burrë”.
Dhe ndodhi diçka atje. Një situatë që mund ta kishte ndryshuar gjithçka. Por nuk u ndal. Kamera nuk u fik. Përkundër rrezikut, ia vlejti!
Ai u bë artisti i parë që solli një projekt të tillë dhe nuk do mend që i tillë do mbetet të paktën edhe për një kohë të gjatë.
Ndyrshe, në Youtube, projekti ka tejkaluar dy milionë shikime.
