Një arritje historike në shpërndarjen dixhitale të muzikës – e para në Shqipëri dhe Ballkan
Fole Publishing ka shënuar një moment historik duke u bërë distributori i parë dhe i vetëm i preferuar i Spotify në Ballkan. Asnjë kompani tjetër shqiptare dhe asnjë kompani tjetër në Ballkan nuk ka arritur këtë status të lartë dhe prestigjioz . Kjo e vendos Fole Publishing në një pozitë unike si zgjedhja e rekomanduar nga vetë Spotify për artistët dhe label-et që duan të shpërndajnë muzikën e tyre me cilësi të lartë në platformë.
Programi i Distributorëve të Preferuar të Spotify përfshin vetëm kompani që plotësojnë standardet më të larta në industrinë muzikore, duke garantuar metadata të sakta, transparencë maksimale dhe shërbime profesionale të nivelit më të lartë.. Duke marrë këtë status, Spotify jo vetëm që ka certifikuar shërbimet e Fole Publishing, por e rekomandon atë drejtpërdrejt tek artistët dhe label-et si një distributor i besuar dhe i provuar.
“Jemi krenarë që jemi distributori i parë dhe i vetëm i preferuar i Spotify në Ballkan. Kjo nuk është vetëm një arritje për ne, por për gjithë industrinë muzikore shqiptare dhe rajonale. Ky status do të ndihmojë artistët tanë të kenë akses të drejtpërdrejtë dhe të garantuar tek një shpërndarje profesionale, ashtu siç e kërkon një treg global konkurrues,” – tha një përfaqësues në Fole Publishing.
Duke qenë tani pjesë e një grupi shumë të vogël distributorësh të përzgjedhur nga Spotify në të gjithë botën, Fole Publishing vendos një standard të ri për artistët dhe label-et që kërkojnë një shpërndarës me cilësi të garantuar, të besuar nga vetë Spotify.
Për më shumë informacion rreth Fole Publishing dhe shërbimeve, vizitoni https://instagram.com/folepublishing dhe https://folepublishing.com
