Joz Marku u përjashtua nga “Big Brother VIP Albania 4” pas disa fjalëve të rënda ndaj Gjestit.
Gjatë një debati pas Prime, Jozi e ofendoi rëndë Gjestin duke e quajtur “kopil shkine”, një shprehje me konotacion fyes dhe diskriminues.
Pas përjashtimit, Jozi shprehu pendesë për veprimet e tij, duke deklaruar se nuk kishte për qëllim të ofendonte shqiptarët e Kosovës dhe se ishte i penduar për fjalët e përdorura.
E ditën e sotme, në ditën e Pavarësisë së Kosovës, Jozi përmes një postimi ka ndarë disa fjalë për të uruar popullin e Kosovës.
“Urime pavarësinë Kosovë. Gëzuar këtë ditë të shenjtë, vëllezër dhe motra të Kosovës! Sot feston bashkë me ju gjithë Shqipëria për krenarinë dhe fuqinë e një kombi që nuk u gjunjëzua kurrë! Zoti e bekoftë Kosovën dhe gjithë shqiptarët kudo që janë. Lavdi dëshmorëve që dhanë jetën për këtë vend dhe të gjithë atyre që luftuan për këtë ditë! Për shumë vite Kosovë e lirë dhe krenare!”
Me këtë postim, Jozi me siguri dëshiron të dëshmojë edhe një herë pendesën e tij për fjalët ndaj Gjestit.
Si e komentoni ju? /Prive.al
