Pas shumë vitesh ndarje dhe rrugësh të ndryshme në karrierë, Ghetto Geasy dhe Ledri Vula janë ribashkuar sërish në skenë, këtë herë në Zvicër, duke sjellë një atmosferë shpërthyese për fansat shqiptarë.
Dyshja, dikur pjesë e grupit legjendar Babastars, performuan mbrëmë në një nga klubet më të mëdha të Zvicrës, ku turma u ndez sapo ata u ngjitën në skenë krah për krah. Publiku i pranishëm brohoriti pa ndalur, teksa të dy sollën hitet e përbashkëta të periudhës së artë të Babastars, por edhe këngë nga rrugëtimi i tyre solo, duke krijuar një emocion të rrallë nostalgjie.
Kjo është herë e parë pas shumë kohësh që Ledri dhe Ghetto Geasy performojnë bashkë në një koncert jashtë Kosovës, pas ribashkimit të tyre të parë publik vitin e kaluar në Prishtinë, që shënoi fundin e një periudhe të gjatë ftohjeje mes tyre.
Publiku e përjetoi këtë moment si një rikthim të kohëve kur muzika e tyre dominonte çdo klub e çdo rrjet social, duke dëshmuar se magjia e bashkimit të tyre vazhdon të ketë ndikim të jashtëzakonshëm në skenën shqiptare.
/Prive By Liberta Spahiu
