Reperët e njohur shqiptarë, vëllezërit Mozzik dhe Getinjo, kanë ndarë me publikun e tyre një moment jashtëzakonisht të vështirë personal.
Ata kanë kërkuar lutje dhe mbështetje për shëndetin e gjyshit të tyre, i cili është shtruar në spital pas një sulmi të rëndë në kokë.
Getinjo zbuloi gjendjen shëndetësore të gjyshit të tij.
Ai tregoi se pas sulmit në kokë, gjyshi ka mbetur gjysmë i paralizuar.
Mesazhi më emocionues ishte përpjekja e tij e fundit për të komunikuar: me mundim të madh, e vetmja gjë që mundi të shkruante në letër ishte fjala tejet domethënëse “Ndihmë”.
Mozzik, nga ana e tij, postoi një foto ku shiheshin duart e tij të vendosura mbi ato të gjyshit në shtratin e spitalit, bashkë me një lutje të fuqishme.
Ai zgjodhi Ditën e Xhumasë, si një ditë të bekuar, për të bërë këtë kërkesë shpirtërore.
“O Allah, në këtë ditë të bekuar të Xhumasë, me zemër të përulur të lusim; Shëroje gjyshin tonë, largoje sëmundjen prej tij, forcoje trupin dhe qetësoje shpirtin. O Shërues i çdo dhimbjeje, derdh mbi të mëshirën dhe shëndetin tënd. Amin. Ja Rabb”
Këto postime kanë mobilizuar fansat e dy artistëve, të cilët kanë dërguar menjëherë një valë mesazhesh mbështetjeje dhe lutjesh për shërimin e shpejtë të gjyshit të tyre. /Prive By Liberta Spahiu
